LATEST ARTICLE

6/recent/ticker-posts

Macawiisley oo Weerar Culus ku Qaaday Saldhig Al-Shabaab ku Leedahay Galgaduud

Macawiisley oo Weerar Culus ku Qaaday Saldhig Al-Shabaab ku Leedahay Galgaduud

Ceelbuur (Bulacle.com)
– Ciidamada deegaanka ee Macawiisley ayaa weerar qorsheysan ku qaaday saldhig ay Al-Shabaab ku lahayd tuulada Biya-cadle, oo hoostagta deegaanka Ceel-lahelay ee gobolka Galgaduud.

Weerarkan, oo dhacay xalay, ayaa la sheegay in khasaare culus lagu gaarsiiyay maleeshiyaadka Al-Shabaab. Sida laga soo xigtay warbaahinta dowladda, howlgalka wuxuu u dhacay sidii loo qorsheeyay, waxaana ciidamada deegaanka la wareegeen goobihii cadowga ku sugnaa.

Wararka hordhaca ah ayaa sheegaya in Macawiisleydu ay ka hortageen qorshe Al-Shabaab ku doonayeen inay weeraro uga fuliyaan aagga Ceelbuur. Dowladda Soomaaliya wali ma shaacin tirada rasmiga ah ee khasaaraha la gaarsiiyay kooxdan, hase yeeshee, wararka aan la xaqiijin ayaa tilmaamaya in maleeshiyaad badan lagu dilay dagaalka.

Dhaq-dhaqaaqyo ciidan ayaa weli ka socda duleedka Ceel-lahelay, iyadoo la filayo in dagaalka sii xoogeysto. Gobollada Dhexe ee dalka ayaa weli ah goob dagaal oo ay iska kaashanayaan ciidamada dowladda, kuwa deegaanka iyo Daraawiishta Galmudug, si loo wiiqo awoodda Al-Shabaab.

Bulacle.com

  

Post a Comment

0 Comments