Wararkii Ugu Dambeeyay Dagaal Culuso oo Dhex-maray Somaliland iyo SSC-Khaatumo!

Ceerigaabo (Bulacle.com) – Dagaal culus ayaa xalay ka dhacay magaalada Ceerigaabo, xarunta gobolka Sanaag, halkaas oo ciidamo ka socda Somaliland iyo SSC-Khaatumo ay ku dagaallameen. Warar soo baxaya ayaa muujinaya in iska horimaad xooggan uu ka dhacay bartamaha magaalada, iyadoo aan la xaqiijin karin khasaaraha rasmiga ah ee ka dhashay, maadaama uu dagaalku dhacay xali habeen ah.

 

Ilo gudaha ah ayaa sheegay inay jiraan kacsanaan xilli daruuriga ah, iyadoo dadka deegaanka ay ka cabanayaan dhibaatooyinka ka dhashay dagaalka,  Sidoo kale, saaka waxaa la arkayaa ciidamo iyo gaadiid dagaal wata  oo gaarey Ceerigaabo, taas oo sii kordhinaysa cabsida laga qabo in ay ka sii darto  xaaladda deegaanka.

 

Maalmihii lasoo dhaafay ayaa ahaa kuwo xasaasi ah, iyadoo shacabka degmadaasi ay dhigeen dibadbaxyo looga soo horjeedo dilal lagu eedeeyay ciidamada Somaliland, eedeeymahaan ayaa waxaa soo jeediyay SSC.

Si kastaba ha ahaatee, Somaliland ma aysan soo saarin wax jawaab ah oo ku aaddan eedeyntaasi ama xaaladda kacsan ee ceergaabo.

 

Dagaalkan ayaa dhacaya xilli isbeddal siyaasadeed oo cusub uu ka dhacay Somaliland, kadib doorashadii madaxweyne Cabdiraxmaan Cirro, iyadoona wali ay jirto xiisad colaadeed oo u dhexeysa Soomaaliland iyo SSC – Khaatumo.

 

W/Q: Mustaf Cabdinur