WAR CUSUB: Dowladda Federaalka Soomaaliya oo xanibaad ku soo rogtay xildhibaanno ka tirsan Baarlamaanka…

Muqdisho (bulacle.com) – Warar cusub ayaa sheegaya in Dowladda Federaalka Soomaaliya ay amar ka dhan ah xildhibaanno ka tirsan Baarlamaanka, gaar ahaan kuwa ka soo jeeda Jubbaland, ay ku soo rogtay xanibaad.

 

Xildhibaannada la xannibay waxaa ka mid ah Xasan Yare, oo dhawaan ka dhex muuqday buuq ka dhacay kulankii baarlamaanka, isagoo feeray askari ku sugnaa xarunta. Liiska xildhibaannada xanibka lagu soo rogay ayaa la geeyay saraakiisha garoonka diyaaradaha ee Muqdisho, iyadoo loo sheegay inaysan ka dhoofi karin garoonka.

 

Xanibaaddan ayaa ka dhalatay gacan qaadkii todobaadkii hore ee ka dhacay xarunta baarlamaanka iyo xiisadda sii kordheysa ee ka dhex taagan Jubbaland. Madaxweynihii hore, Sheekh Shariif Sheekh Axmed, ayaa sidoo kale xaqiijiyay in xildhibaanno kale ay warqad xanibaad ah ka heshay garoonka Aadan Cadde.

 

Arrintan ayaa ku soo beegmeysa xilli siyaasadeed oo kacsan, iyadoo khilaaf xooggan uu u dhexeeyo Villa Soomaaliya iyo maamulka Axmed Madoobe.

Maxay kulatahay adiga?

W/Q: Maxamud Cabdulle