Soomaaliya iyo Itoobiya oo Heshiis Taariikhi ah Ka Gaaray Khilaafkii Mudada Fog taagnaa

Ankara (bulacle.com) – Madaxweynaha Soomaaliya Xasan Sheekh Maxamuud iyo Ra'iisul Wasaaraha Itoobiya Abiy Ahmed ayaa si rasmi ah ugu saxiixay heshiis taariikhi ah oo lagu xallinayo khilaaf mudo dheer soo jiray, kaddib markii uu fududeeyey Madaxweyne Recep Tayyip Erdoğan.

Heshiiskan cusub wuxuu xaqiijinayaa in Itoobiya ixtiraamto madax-bannaanida iyo midnimada Jamhuuriyadda Federaalka Soomaaliya, halka Soomaaliya ay Itoobiya u ogolaaneyso marin badeed oo hoos imanaya maamulkeeda, iyadoo heshiiska dib looga wada-hadhi doono qaabka xalintooda.

Sida laga soo xigtay war-murtiyeedka ka soo baxay shirarkaas, labada hoggaamiye ayaa sidoo kale ku heshiiyeen in ay ka gudbaan khilaafaadka hore, una dhaqaaqaan waddo wadajir ah oo ah mid horumarineed. Sidoo kale, waxay adkeeyeen in la xoojiyaan xiriirka labada dal, iyagoo ku saleynaya ixtiraamka, saaxiibtinimada iyo fahamka wadajirka ah.

Madaxweynaha Erdoğan ayaa si diiran u soo dhaweeyey labada hoggaamiyayaal, isaga oo ku adkeeyey inay ka shaqeeyaan nabadda iyo iskaashiga bulshooyinka labada dal.

Heshiiskan ayaa ah tallaabo muhiim ah oo xoojinaya xiriirka Soomaaliya iyo Itoobiya, iyadoo labada dhinac ay isku raaceen in ay bilaabaan wadaxaajoodyo farsamo oo lagu hormarinayo heshiisyada ganacsi, taasi oo horseedi doonta fursado cusub iyo iskaashi ganacsi oo waara.

Halkan ka akhriso faahfaahinta