Doolow (bulacle.com) – Dowladda Federaalka Soomaaliya ayaa xayiraad hawadeed ku soo rogtay degmooyin ka tirsan gobolka Gedo, taasoo ka timid khilaaf xoogan oo u dhexeeya dowladda iyo maamulka Jubbaland.
Duulimaadyadii kasoo dagi jiray garoomada
Doolow iyo Baardheere ayaa la joojiyay, iyadoo amarkaasi loo diray shirkadaha
duulimaadyada.
Wararka ayaa sheegaya in
xayiraadda loo sameeyay si loo xakameeyo dhaq-dhaqaaqa ciidammada Jubbaland, oo
uu hogaaminayo madaxweyne ku-xigeenka koowaad Maxamuud Sayid Aadan iyo wasiirka
amniga maamulkaasi.
Khilaafka u dhexeeya dowladda Federaalka iyo
Jubbaland ayaa si weyn u kacsan, iyada oo ciidamada dowladda ay isku fidinayaan
deegaano cusub oo ku yaal gobolka, sida Baardheere, Garabahaarey, iyo
Beledxaawo.
Xiisadda taagan ayaa ah
mid sii kordhaysa, iyadoo aan la helin wax wada hadal ah oo si rasmi ah u dhex
mara labada dhinac, halka dowladda ay ku adkeysaneyso mowqifkeeda arrimaha
doorashooyinka.
W/Q: Maxamud Cabdulle
0 Comments