WARARKII UGU DANBEEYAY: Dhaqdhaqaaqyada Ciidan ee Jubaland iyo gudoomiyihii Gedo oo Xilkii la qaaday..

Mogdisho (bulacle.com) – Wararka ka imaanaya magaalada kismaanyo ayaa sheegaya in halkaasi ay ka socdaan dhaq dhaaqyo ciidan oo aad u xoogan ka dib markii Madaxweynaha maamulka jubaland uu amar ku bixiyay in heegan la galiyo dhamaan ciidamada maamulka jubalnd , madaa ay ciidamada malatariga soomaaliya lagu daad gureynayo gudaha maamulka jubaland .

Ciidamada daraawiishta jubaland ayaa u ruuqaansaday dhankaa iyo deegaanka raas kaanbooni  si ay kaga hortagaan  dhaq dhaqaaqyada dowlada soomaaliya ay ka bilaawday deegaankaas  oo markii ugu horeysay dowlada soomaaliya ay ciidamo uga dajisay diyaarado.

Sidoo kale ciidamada daraawiishta jubaland ayaa lagu faafiyay deegnada xeebta magaalada kismaanyo iyagoona guud ahaanba xiray wadooyinka soo gala magaalada kismaanyo  mana jirto wax ciidan ah oo gudaha magaalada kismaanyo u soo gudbi kara.

Madaxweynaha jubalnd ayaa ayaa xalay xilka ka qaaday gudoomiyihiin gobolka Gedo ee maamulka jubaland ka dib markii uu ku biiray aragtida dowlada soomaaliya ay ku dooneyso in lagu joojiyo sida uu Axmed Madoobe wax u wado  isagoona magacaabay gudoomiye cusub oo ay yeelanayo gobolka gedo soomaaliya .

Ciidamadii ugu badnaa ee dowlada soomaaliya ayaa manta ka dagaya magaalada garbahaarey ee gobpolka gedo , taas oo xaalada ka sii dhigeysa mid aad u cakiran  mana jirto dadaalo socda oo looga hortagyo xiisadahaan dagaalka ee ka aloolsan gudaha jubaland .