Guddiga cusub ayaa mas'uul ka noqon doona hirgelinta doorashooyin qof iyo cod ah, iyada oo shacabka Soomaaliyeed ay rajeynayaan isbedel muuqda.

Muqdisho (Bulacle.com) – Golaha Wasiirrada Soomaaliya ayaa caawa yeeshay kulan aan caadi ahayn oo lagu ansixiyay Guddiga Doorashooyinka iyo Soohdimaha, kaasoo ka kooban 18 xubnood, Kulanka ayaa ahaa mid deg-deg ah, waxaana guddigan uu ka kooban yahay xubno ka mid ah dadka aqoonta leh si loogu maamulo doorashooyinka dalka.

 

Wasaaradda Arrimaha Gudaha ayaa soo gudbisay liiska xubnaha guddiga, waxaana qorshuhu yahay in guddigaan lagu soo gudbiyo Baarlamaanka Soomaaliya si ay u ansixiyaan, Guddigan Madaxa Bannaan ee Doorashooyinka Qaranka iyo Soohdimaha ayaa mas'uul ka noqon doona maamulidda doorashooyinka heerar kala duwan iyo hirgelinta doorashooyin qof iyo cod ah oo hufan, taasoo muhiimad weyn leedahay.

 

Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa kulanka ka sheegay in dowladda DanQaran ay ka go'an tahay in shacabka Soomaaliyeed dib loogu soo celiyo xaqooda doorashada. “Waxaan u shaqeyn doonnaa si aan u xaqiijino in doorashooyin hufan ay dhacaan iyo in shacabka ay helaan fursad ay ku doortaan hoggaamiyaashooda,” ayuu raaciyay.

 

Liiska xubnaha Guddiga Madaxa Bannaan ee Doorashooyinka Qaranka iyo Soohdimaha waxaa ka mid ah:

1. Cabdikariim Axmed Xassan

2. Saadiq Abshir Garaad

3. Avv. Maxamed Cabdiraxmaan Aadan

4. Yusuf Cabdiqaadir Maxamed-Baafo

5. Cumar Abuukar Cumar

6. Farxiyo Maxamed Yusuf

7. Dr. Cumar Jamac Maxamed

8. Faarax Cabdi Xasan

9. Sahro Diiriye Muuse

10. Cabdullahi Salaad Yaroow

11. Maxamed Amiin Xasan Cabdullahi

12. Cabdi Cadow Maxamed

13. Cabdishakuur Abiib Haayir

14. Khaalid Ibrahim Ismaaciil

15. Aamina Sh. Cusmaan Maxamed

16. Naasir Maxamed Shire

17. Cabdiraxiim Cabdillahi Shaafici

18. Maxamed Cumar Ismaciil.

 

Qoraalka ayaa muujinaya sida dowladda ay uga go'antahay in la xoojiyo nidaamka dimuqraadiyadda gudaha Soomaaliya, iyadoo rajada shacabka ay tahay in guddigan cusub uu horumarin doono hufnaanta iyo caddaalada doorashooyinka.

 

Waa maxay aragtidaada ku saabsan magacaabista guddigan? Fikradahaaga nala wadaag!

 

Waxaa Qoray: Maxamed Abdullahai Maxamed