Dowlada Soomaaliya oo Xaqiijisay Geerida Weriye Cabdirisaaq Xaaji Maxamed Siraad.

Hargeysa (bulacle.com) – Weriye caan ah oo ka tirsan BBC Somali, Cabdirisaaq Xaaji Maxamed Siraad, ayaa la xaqiijiyay inuu caawa ku geeriyooday magaalada Hargeysa ee Somaliland. Dowladda Federaalka Soomaaliya ayaa xaqiijisay geerida Weriye Cabdirisaaq, waxaana wasaaradda Warfaafinta Soomaaliya ay ka soo saartay bayaan tacsiyaysan.

 

Wasiirka Warfaafinta iyo xubno kale oo ka tirsan dowladda, oo ka soo shaqeeyay BBC, ayaa tacsiyo u diray qoyskii uu ka geeriyooday weriyaha. C/risaaq Xaaji Maxamed Siraad wuxuu ahaa saxafi khibrad leh, waana uu ka soo shaqeeyay Idaacadaha Radio Muqdisho iyo Radio Hargeysa, isagoo muddo dheer ka tirsan BBC, iyada oo ay dad badan ka faaiideysteen warbixinadiisa.

 

Muddo kadib oo uu ka fariistay shaqada saxaafadda, Cabdirisaaq wuxuu ku noolaaday Hargeysa, halkaasoo uu ku geeriyooday. Waxaa la filayaa in meydkiisa lagu aaso magaalada Hargeysa.