BEESHA CAALAMKA, Jubaland Ha Joojiso Doorashada, hana Ku Soo Laabato Madasha Qaran si Khilaafka Loo Xaliyo.

 

Muqdisho (bulacle.com)– Saaxiibada Caalamka ayaa si kulul uga hadlay khilaafka siyaasadeed ee u dhaxeeya Dowladda Federaalka Soomaaliya iyo Jubbaland, iyagoo ka codsanaya dhinacyada inay hoos u dhigaan xiisadaha siyasadeed ee socda. War-saxaafadeedka cusub ee BEesha Caalamka ayaa ku boorrinaya Madaxweynaha Jubbaland inuu dib ugu laabto shirkii Golaha Wadatashiga Qaranka si xal waara loo helo ka hor inta aan la ansixin shuruucda doorashooyinka.

 

Sidoo kale, qoraalkaan waxaa si gaar ah loogu yeeray siyaasiyiinta mucaaradka ah inay ka qeyb qaataan miiska wadahadalka, iyagoo ka fogaada kicinta xiisadaha mustaqbalka. Halkan wuxuu ka furmayaa hannaanka dowlad-dhisidda, oo ah ajandaha muhiimka ah ee ay taageeraan Beesha Caalamka.

 

Beesha Caalamka waxay sidoo kale ka digtay in aan la dhamaystirin geedi-socodka doorashada ka hor inta aan la samayn heshiisyo siyaasadeed, iyagoo ku boorrinaya dhammaan dhinacyada inay ka qeyb qaataan wada-hadal furan oo wax ku ool ah.

 

Iskaashiga Beesha Caalamka, oo kala ah Belgium, UK, Saudi Arabia, Mareykanka iyo qaar kaloo badan, ayaa dib u xoojinaya rajada ah in doorashooyinka Soomaaliya ay noqdaan kuwo cadaalad ah, ammaan ah, oo ay qeyb ka yihiin dhammaan saamilayda siyaasadeed.